Latest News

ҮНДЭСНИЙ БИЕИЙН ТАМИРЫН ДЭЭД СУРГУУЛИЙН ЗАХИРЛЫН МЭНДЧИЛГЭЭ
2018/09/03
                                           (2018-2019 оны хичээлийн жил)                                                    
Эрхэм хүндэт эрдэмтэн багш нараа, ҮБТДС-ийг сонгон суралцахаар элссэн оюутан бүх суралцаж байгаа оюутан залуучуудаа! Эцэг эхчүүдээ! Найз нөхдөө!  энд цугларсан та бүхэнд сургуулийн Удирдах зөвлөл, эрдмийн зөвлөл, хамт олны өмнөөс 2018-2019 оны  шинэ хичээлийн баярын мэндийг  хүргэн мэндчилье! 
 МУ-ын гавьяат багш, Спортын нэрт зүтгэлтэн, Шинжлэх ухааны доктор, Х/А-ийн спортын мастер Гонгорын Лхагвасүрэн Монгол орон чөлөөт зах зээлийн эдийн засгийн тогтолцоонд шилжиж байсан түүхэн үед Монгол үндэстнээрээ овоглосон Үндэсний биеийн тамирын дээд сургуулийг1991 онд үүсгэн байгуулж, үндэсний спортын өв уламжлалыг орчин үеийн спортын төрлүүдтэй хослуулан хөгжүүлэх зорилготой Дэлхийн спортын чиг хандлага, боловсрол, биеийн тамир, спорт, эрүүл мэндийн хэрэгцээнд нийцсэн хөрвөх чадвартай мэргэжилтнүүдийг бэлтгэсээр 24 дэх төгсөлтөө  энэ онд хийлээ.
 Эдүгээ эрдэмтэн профессор, олон улс, тив дэлхийд нэрээ дуурсгасан спортын шилдэг багш нар болон оюутан, суралцагч, магистрантуудтай   болж өргөжин бэхжлээ.
 2017-2018 оны хичээлийн жилд ДС-ийнхаа дэргэд Спортын төрөлжссөн сургалтай ахлах ангийг нээж, гол зорилго нь суралцагчдад эрүүл мэндийн боловсрол, бие бялдрын өв тэгш хүмүүжил олгож, эрүүлжүүлэн чийрэгжүүлэх, хөгжүүлэх, хүмүүжүүлэх. Спортын хичээлийн хөтөлбөрөөр өндөр зэрэглэлийн тамирчдын залгамж халааг тасралттгүй бэлтгэх тогтолцоог боловсронгуй болгох чиглэлээр спортын авьяастай, спортын авьяастай , спортоор хичээллэх сонирхолтой ахлах ангийн ( X, XI, XII ) сурагчдад зориулагдсан болно.Манай сургууль боловсрол, биеийн тамир, спортын салбарт болон төрийн ба хувийн хэвшлийн сургуулиудын дотор хэдийнээ өөрийн амжилт бүтээлээрээ  танигдан сургалт-дасгалжуулат, эрдэм-шинжилгээ, спортын амжилтаа бататган тасралтгүй 26 жилийг үдэж 27 дэх хичээлийн жилийн нээлтээ хийж байна. 
 Үндэсний биеийн тамирын дээд сургуулийн бакалавр магистрын хөтөлбөрөөр 24 удаагийн төгсөлтөөр 4500 гаруй оюутан төгсгөснөөс Монгол улсын Хөдөлмөрийн баатар -1, гавьяат дасгалжуулагч-3, гавьяат тамирчин -16, Олимпийн медальт-3, Дэлхийн аварга-10, Олимпийн эрх авч олимпод оролцсон олон арван тамирчид,  Үндэсний бөхийн дархан аварга -1, Улсын арслан-1, Улсын гарьд-2, улсын заан-6, улсын харцага-7, улсын начин-18 болон аймаг,цэрэг, сумын цолтой олон арван бөхчүүд төрөн гарсны зэрэгцээ УИХ болон Яам, агентлагийн ажилтан, үндэсний шигшээ багийн дасгалжуулагчид, олон улсын шүүгчид  төрөн гарсныг дурдахад таатай байна. 
Өнгөрсөн хичээлийн жилд сургуулиас “Тархины саажилттай хүүхдүүдийг дасгал хөдөлгөөнөөр эрүүлжүүлэх ” сэдвээр ЭАЗТ-ийн багш Р.Түвшинжаргал боловсролын докторын зэрэг хамгаалж, мөн жудо бөхийн ОУХМ Б.Мөнгөнтуяа алтан гадас одонгоор энгэрээ мялаасан. БСШУСЯ-ны дэмжлэгтэйгээр ОЮУТНЫ СПОРТ: “ҮНДЭСТНИЙ ЭРҮҮЛ МЭНД, ХӨГЖИЛ ДЭВШИЛ” сэдэвт оюутан, залуу судлаачдын олон улсын эрдэм шинжилгээний хурлыг Монгол улсад анх удаа тус сургууль бие даан зохион байгуулан явуулж, БСШУСЯ, ОУОСХ, БТСИДС-ийн холбооноос өндөр үнэлгээ авсан амжилттайгаар хичээлийн жилийг утгаж байна.
 Шинэ хичээлийн жилийн нээлт маань Азийн зуны спортын 18-р наадмын хаалтын ажиллагаатай давхцаж байгаагаараа онцлог юм. Энэ тоглолтоос Монгол улсын тамирчид алтан медаль - 5,  мөнгөн медаль - 9, хүрэл медаль - 11 нийт 25 медаль хүртэж 16-р байрт шалгарлаа. Үүнээс манай сургуулийн оюутан, төгсөгчдөөс чөлөөт бөхөөр 4-р дамжааны оюутан МУГТ Э.Бэхбаяр-алт, ОУХМ А.Батцэцэг-хүрэл, О.Үйтүмэн-хүрэл, боксоор 3-р дамжааны оюутан Э.Цэндбаатар-алт, 2-р курс О.Жаргалан шагналт 5-р байр, жү-до бөхөөр ОУХМ О.Ууганбаатар-хүрэл, кураш бөхөөр ОУХМ О.Мөнхцэцэг-мөнгө, самбо бөхөөр ОУХМ Ш.Эрдэнэбаатар-мөнгө нийт 7 медаль хүртэж, Хөнгөн атлетикийн марофон гүйлтэнд ОУХМ Б.Мөнхзаяа-6-р байр, ОУХМ Г.Хишигсайхан-10-р байр, 10000 м-т Спотын мастер Н.Мөнхбаяр - 6-р байр эзэлж өндөр амжилт гаргасныг та бүхэнд сонордуулахад таатай байна. Мөн манай сургуулийн сагсан бөмбөгийн багш Ч.Ижилболд дасгалжуулагчаар, багш ОУХМ Д.Баянжаргал тамирчинаар тус тус оролцож багаараа шагналт 8-р байрт шалгарч сайхан амжилт гаргалаа. 
Олон жилийн түүхтэй манай сургуульд тавтай морилж, Дэлхийн тавцанд Монгол улсын нэрийг цуурайтуулсан тамирчдыг бэлтгэх алдар цуутай дасгалжуулагч, эрүүл чийрэг монгол хүнийг хөгжүүлэх биеийн тамирын багш болохоор сэтгэл шулуудан бидэнтэй хамт итгэл, сэтгэлээр зүтгэхийг уриалан мэндчилж байна. 
Эрдэм мэдлэгийг эрхэмлэгч та бүхний өмнө Монгол улсынхаа төрийн далбааг дэлхийн дэвжээнд мандуулж, Монгол үндэстнээрээ овоглосон оюуны их уурхай Үндэсний Биеийн Тамирын Дээд Сургуулийн хаалга ямагт нээлттэй байх болно.
 Номын цагаан буянг үргэлжид дээдэлж, сайн үйлс дэлгэрэх болтугай. 2018-201 оны хичээлийн нээлтийн үйл ажиллагааг нээснийг мэдэгдье!


ҮБТДС-ИЙН ЗАХИРАЛ
ШУ-НЫ ДОКТОР (Sс.D), ПРОФЕССОР, ГИМНАСТИКИЙН
СПОРТЫН ОЛОН УЛСЫН ХЭМЖЭЭНИЙ МАСТЕР Л.АЛТАНЦЭЦЭГ

Цааш
ЭЛСЭЛТИЙН МЭДЭЭ
2018/06/16
 Цааш
ЭЛСЭЛТИЙН ЖУРАМ
2018/06/16
ҮНДЭСНИЙ БИЕИЙН ТАМИРЫН ДЭЭД СУРГУУЛИЙН 2018-2019 ОНЫ
 ХИЧЭЭЛИЙН ЖИЛИЙН ЭЛСЭЛТИЙН ЖУРАМ

Нэг. Нийтлэг үндэслэл

1.1 Үндэсний Биеийн Тамирын Дээд Сургуульд 2018-2019 оны хичээлийн жилд оюутан элсүүлэхэд БСШУЯамны сайдын 2013 оны А/79 тоот тушаал, А/87 тоот тушаалаар баталсан “Оюутан элсүүлэх үлгэрчилсэн журам” болон энэхүү журмыг баримтлан ажиллана.
1.2 ҮБТДС-ийн бакалаврын өдрийн ангид аймаг, орон нутгаас оюутан элсүүлэх ажлыг МИДСКонсорциумаас томилогдсон элсэлтийн комисс тухайн аймаг, орон нутгийн Боловсрол, соёлын газартай хамтран зохион байгуулна.
1.3 Улаанбаатар хотоос оюутан элсүүлэх ажлыг ҮБТДС-ийн элсэлтийн комисс зохион байгуулна.
1.4 Улаанбаатар хотоос оюутан элсүүлэх ажлыг ҮБТДС-ийн элсэлтийн комисс зохион байгуулна.
1.5 Энэхүү журам болон элсэлтийн үйл ажиллагаатай холбогдолтой нэмэлт мэдээллийг ҮБТДС-ийн Вэб сайт www.ubtds.mn болон МИДСКонсорциум www.cmuc.edu.mn  сайтаас авч болно.

Хоёр. ҮБТДСургуулийн бакалаврын өдрийн ангид элсүүлэ хөтөлбөр, ерөнхий шалгалтын оноо, тооцох хичээл

Индекс

Бакалаврын хөтөлбөр

Чиглэл

Ерөнхий шалгалт

011410

Багш, биеийн тамирын боловсрол

Биеийн тамирын багш

/өдөр/

Монгол хэл, Математик, Физик, Нийгмийн ухааны аль нэг, ур чадвар

011410

Багш, биеийн тамирын боловсрол

Биеийн тамирын багш

/эчнээ/

Ур чадвар

101401

Спортын дасгалжуулагч

Бөхийн дасгалжуулагч

Монгол хэл, Математик, Физик, Нийгмийн ухааны аль нэг, ур чадвар

Хөнгөн атлетикийн дасгалжуулагч

Спорт тоглоомын дасгалжуулагч

Бусад спортын төрлийн дасгалжуулагч

101402

Биеийн тамирын арга зүйч

Эмчилгээний биеийн тамирын арга зүйч

Монгол хэл, Математик, Физик, Нийгмийн ухааны аль нэг, ур чадвар

041302

Спортын менежмент

Биеийн тамир, спортын менежмент

Математик, Ур чадвар

041304

Аялал жуулчлалын менежмент

Аялал жуулчлал, спортын арга зүйч

Монгол хэл, Нийгмийн тухай мэдлэг аль нэг, ур чадвар

 
Цааш
Olimpiin teakwondogiin Az tiviin abarga shalgaruulah temtseen
2018/05/28
UBTDS-n 3r kursiin oyutan M.Tumenbayar Olimpiin teakwondogiin Az tiviin abarga shalgaruulah temtseenees hurel medali awsan bnaa 
Цааш
Close
Close